SHOCK: Top Family Actor Has A Secret Wife With A “RICH” Backing Him Up, Who Is That?/hi
Kilalang Kapamilya Aktor May Babaeng Palihim Na Kinikita | Ogie Diaz Binuking!
Nakakuha ng impormasyon si Ogie Diaz mula sa isang private message tungkol kay McCoy De Leon, na kilala bilang bituin ng “FPJ’s Batang Quiapo.” Sa isang episode ng kanyang programang “Showbiz Updates,” ibinahagi ni Ogie ang detalye ng mensahe na kanyang natanggap.
Ayon kay Ogie, tila may nag-uulat na si McCoy De Leon ay may ibang kinakasama. “Parang sinusumbong niya si McCoy De Leon na alam daw ba ni Elisse Joson na mayroong iba raw na kinakalantari itong si McCoy. Diyos ko!” ang kanyang naging pahayag.
Idinagdag pa niya na ang source niya ay nagtanong, “Tapos sabi naman sa akin ng source ko, ‘Ma, paano kaya ito? Parang ano mayroon namang himig na hindi raw kaya galing sa kampo ni Elisse iyon?’”
Dahil dito, inirekomenda ni Ogie kay McCoy na linawin ang isyu. Aniya, “Mas maganda, linawin ni McCoy ‘yan. Kasi ‘di ba, minsan na ring nalagay sa alanganin ang kanilang relasyon dahil din sa third-party.”
Sinabi pa ni Ogie na halatang bago lamang ang nagpadala ng mensahe, dahil sa pagiging bagong gawa ng Instagram account nito.
Hinanap din ni Ogie si Elisse na sana ay magbigay ng kanyang panig sa isyu. Sa kasalukuyan, habang isinusulat ang artikulong ito, wala pang inilalabas na pahayag mula sa kanila.
Muling umingay ang balita tungkol sa kanilang relasyon matapos ang hiwalayan nila noong 2023, na sinundan ng ulat na sila ay muling nagkabalikan.
