Pagbabalik ni Ai Ai sa ‘Showtime,’ ‘di nagustuhan ng ilang fans
Dismayado ang ilang tagasubaybay ng “It’s Showtime” sa muling pagbabalik ng Kapuso Comedy Concert Queen na si Ai Ai Delas Alas sa nasabing noontime show.
Kasama ni Ai Ai sa muling pagtuntong sa bakuran ng “Showtime” noong Sabado, Marso 2, ang “King of Philippine Drama” na si Christopher De Leon.
“Alam n’yo ba, 9 years bago ako nandito ulit sa ‘Showtime.’ Totoo. Last na guesting ko ‘to. Tapos ngayon nandito na naman ako,” pahayag ni Ai Ai.
Pero tila ang iba ay hindi na-miss ang presensya ng komedyante batay sa mga ibinahagi nilang reaksiyon sa social media. Narito ang ilan sa kanilang mga komento:
“Sana last na yan “
“si pokwang namiss ko hnd si ai ai”
“bakit balik pinas si babalina? e alam ko nag wo work siya dito sa San Francisco sa isang hospital”
“Hahahahaha the downgrade of Aiai delas alas🤣🤣”
“O bago kayo tumalak, alalahanin nyo nasa GTV ang Showtime na pag-aari ng GMA. Di naman yan idea for sure ng Showtime staff lalong lalo ni Vice dahil hindi naman sila close ni Ai-ai. 😂”
“Pa-update na lang if sa opening lang ba ito. Hahaha”
Sa kasalukuyan, habang isinusulat ang artikulong ito, wala pang anomang pahayag, tugon, o reaksiyon si Ai Ai tungkol dito.
