Paulo Avelino wanted: Kim Chiu, KC Concepcion sabunutan, sampalan, talakan binuhay

Trending talaga ang paghaharap nina Kim Chiu at KC Concepcion (lookalike), ha!

Yes, sumabak nga sa ‘Kalokalike’ segment ng ‘It’s Showtime’ ang ka-face raw ni KC. At kuwela nga, dahil alam naman natin na naging bahagi rin ng buhay ni Paulo Avelino si KC noon, ‘di ba?

Bigla ngang nabuhay ang mga interview kina Paulo, KC noon, na kung saan ay inamin nga ni Paulo na naging magdyowa talaga sila ni KC. Binalikan din ng mga fan ang pagsasama sa serye nina KC, Kim noon, na kung saan ay nagkasakitan sila, ha! Bongga nga ang talakan, sabunutan, sampalan ng dalawa sa serye na `yon.

Anyway, kuwela nga ang paghaharap nina Kim, at KC (lookalike) dahil tinanong nga kung ano ba ang tawagan nila noon (KC, Paulo), at tawagan nina Kim, Paulo ngayon.

Eh, sinabayan pa ni Vhong Navarro ng eksena, na pinansin ang gesture ng kamay ni Kim, na parang mananakit daw. Hinabol nga ni Kim si Vhong, at naloka nga ang marami.

At siyempre, sa skit nila na si Ogie Alcasid ang pinag-aagawan nina Kim, KC (lookalike) lumabas din ang mga nakakakilig na chika.

Na sinabi nga ni Kim ang mga salitang ‘asawa’ at kung ano-ano pa.

Super trending ang eksena na `yon, ha! At marami nga ang humiling na sana ay ang eksena sa serye nina KC, Kim ang pinagaya ng ‘It’s Showtime’, ha!

At `yun nga, marami ang humiling na sana ay may sumabak din na lookalike talaga ni Paulo Avelino.

“Hhhhuuuuuwiiiii! Keyo naman. Acting 101 for todays video! Kaloka kalokalike!” reaksiyon ni Kim sa mga sumita sa kanya sa episode na `yon.

Heto nga ang chika ng mga faney:

“Sa presinto ka na magpaliwanag, pero gustong-gusto ng KimPau yan, pinasaya mo kaming lahat.”

“Weh, magpaliwanag ka kay Paulo!”

“Sana sa susunod ka-lookalike naman ni Paulo.”

“Ang dami mong napasaya ngayon Kim. Iba ka talaga.”

Well, mas marami nga ang kinilig, at lalong na-excite sa pagsasama ng dalawa sa pelikula, ha!

Teka, mas bongga rin siguro kung maging hurado rin si KC sa ‘It’s Showtime’, ha!